Øv til skriveprøven
Sjå eksempel på oppgåver som liknar på oppgåvene på skriveprøven, og sjå korleis andre har svart på liknande oppgåver, og korleis desse tekstane er blitt vurderte. Dette bør brukast til å øve til skriveprøven.
Øv på eksempeloppgåver
Prøven testar berre kor godt du kan skrive på norsk, og ikkje kva du kan om temaa i prøven.
På eksempeloppgåvene får du ikkje vite kva nivå du er på, og du får ikkje svar om du sender inn svar på oppgåvene.
Sjå eksempel på svar
Du kan òg laste ned eksempel på svar på skriveprøven, med vurdering frå sensor (PDF). Dette dokumentet viser spørsmål og svar på alle nivåa.
Oppgåvene på prøven
Du skal skrive ei kort melding, for eksempel ein sms.
Oppgåva er den same i alle prøveperiodane.
Formuleringa finn du i oversikta over eksempeloppgåver.
Du får sjå eit bilete med fleire personar og ting som skjer.
Du skal skrive om kva du ser på biletet, og kva personane på biletet gjer.
Du skal skrive ein tekst og fortelje om eit tema frå dagleglivet, som til dømes skule, fritid, jobb, familie, mat eller ver.
For å kunne få A2 som resultat, bør du skrive 80 ord eller meir på denne oppgåva, og det må vere ein viss tematisk eller logisk samanheng i teksten din.
Du får presentert ein tenkt situasjon som du skal klage på. Du skal uttrykkje meiningar rundt dette i ein e-post til nokon med ansvar for situasjonen.
For å kunne få B1 som resultat må du også grunne meininga, og teksten bør vere på 80 ord eller meir.
Oppgåva testar ikkje kunnskap om teksttypen e-post. Det som er viktig, er at du viser at du kan skrive ein tekst som faktisk svarer på oppgåva.
Det er ikkje viktig å skrive generelle standardformuleringar som for eksempel «Håpar på raskt svar» og så vidare. Det er heilt ok å ta med slike formuleringar, men det har lite å seie for resultatet du får.
Det som er viktig for resultatet, er det som er direkte knytt til temaet i oppgåva du har fått, der du bruker ditt eige språk.
Du får presentert ei problemstilling, og skal skrive om ditt syn på saka og argumentere for det.
Det er ikkje eit krav om å ha med motargument mot ditt eige synspunkt, men du blir heller ikkje trekt for å inkludere dette i svaret ditt.
Vi anbefaler likevel å berre argumentere for eitt synspunkt fordi det kan vere vanskelegare å strukturere teksten dersom ein tar med motargument.