Samfunnskunnskapsprøve
Les pensum og øv til prøven
Samfunnskunnskapsprøven har eit pensum. Du øver deg til prøven ved å lese om og diskutere ulike tema om Noreg og det norske samfunnet.
Du treng kunnskap om det norske samfunnet
For å bestå prøven i samfunnskunnskap, må du ha kunnskap om det norske samfunnet.
Dei som deltar på opplæring i samfunnskunnskap, har læringsressursen samfunnskunnskap.no som læringsgrunnlag.
Alle som deltar i denne opplæringa, lærer dei same tinga (om dei same temaa). Dette blir ofte kalla pensum.
I nettressursen samfunnskunnskap.no finn du tekstar som dekker pensum til samfunnskunnskapsprøven. Denne nettstaden kan du bruke uansett om du deltar på opplæringa eller ikkje.
Tekstane på samfunnskunnskap.no handlar om tema som
- Utdanning, kompetanse og arbeidsliv
- Familie, helse og kvardagsliv
- Noreg før og no
Øv deg til prøven
Du kan øve deg på liknande oppgåver som du får på prøven.
Eksempelprøven er ikkje den same som du vil få når du tar samfunnskunnskapsprøven. Han gir likevel god trening i korleis oppgåvene ser ut, og korleis du svarer på dei på datamaskinen.
Eksempeloppgåvene er fleirvalsoppgåver (oppgåver med fleire svar du kan velje mellom) og finst på fleire språk.