Norskprøven C1 – høgare akademisk nivå
Øv til prøven
Det finst ikkje eit pensum til norskprøvane. Prøven måler språknivået ditt, ikkje kunnskapen din om gitte emner. Du øver deg til prøven ved å bruke norsk; både lytte, lese, skrive og snakke.
Den beste måten å forbetre språket på, er å bruke det. Når du skal øve til prøvar i norsk bør du trene på å lytte, lese, snakke og skrive norsk.
På sida Les om prøven kan du lese om korleis prøven er bygd opp.
Tren deg på eksempelprøvar
Vi har døme på oppgåver frå begge delprøvane, slik at du kan sjå korleis prøven er bygd opp.
Det er også laga døme på svar til både dei skriftlege og dei munnlege oppgåvene til C1-prøven. Då ser du kva som er forventa på nivå C1.
Døma på oppgåver og svar er tilgjengeleg både på nynorsk og bokmål. Døma på prøvane verkar ikkje på mobil eller nettbrett.
Lytteforståing og skriftleg framstilling
Du kan òg lese døme på svar på oppgåve i skriftleg framstilling og korleis desse er vurdert:
Leseforståing og munnleg kommunikasjon
Døme på prøve og vurdering
I lydklippet nedanfor kan du høyre døme på delprøven i leseforståing og munnleg kommunikasjon. Du finn vurderinga av kandidaten under lydklippet.
Kandidaten samanfattar tekstane på ein slik måte at det er tydeleg at ho har forstått det ho har lese og formidlar derfor innhaldet i tekstane på ein klar måte.
I oppgåve 1 snakkar kandidaten litt sakte og nølande, men ikkje meir enn det som er naturleg og forventa når ein må tenkje seg om og hugse samtidig som ein snakkar. Kandidaten viser god forståing for teksten ho har lese, sjølv om ho ikkje tek med detaljar som prosentar og tal.
I oppgåve 2 gjer kandidaten greie for kva som kjem fram i tekstane, på en tydeleg måte, og set tekstane opp mot kvarandre: "Lorens Lande argumenterer for det motsatte." Kandidaten argumenterer for eige synspunkt på saka på ein klar og uanstrengd måte.
I oppgåve 3 snakkar kandidaten sjølvstendig og formulerer seg godt om eit krevjande emne: "Man trenger så mange andre egenskaper for å jobbe i medisin og psykologi, som jeg tror ikke blir fanget opp med karakterer ..."
Kandidatens munnlege språk er på nivå C1.
- Uttalen er tydeleg og god, men kandidaten har litt avvikande vokal-lengde og -kvalitet: "uttmarken", "narheten". Dette går ikkje ut over forståeligheita eller flyten.
- Når det gjeld grammatikk, viser kandidaten god kontroll og variasjon, men ho har ei og anna glipp i bøyningsmønster: "skulle slår", "som man få på helligdagen" "min egen synspunkt".
- Ordforrådet er stort og brukast på ein korrekt og passande måte. Det hender at ordvalget er litt uidiomatisk: "tenke så mye om trusselen", "fred og stille", "en som veldig vil hjelpe meg". Ho har likevel òg mange døme på god idiomatisk språkbruk: "symbol for noe større", "fange opp med karakterer", "pugge".
Kandidaten snakker forståeleg, effektivt og uanstrengd og vurderast til C1.
Formidling/vidareformidling
Oppgåve 1 er ei oppsummering av ein populærvitskapeleg forskingsartikkel, i dette tilfellet «Blir du lurt på butikken?». Kandidaten viser at han har forstått teksten, og vidareformidlar innhaldet på ein grundig og lett forståeleg måte. Han snakkar nesten 6 minutt, noko som er i overkant av det som er nødvendig på denne oppgåva.
I oppgåve 2 oppsummerer han innhaldet i dei to meiningsytringane som omhandlar «verdien av arbeid». Han vidareformidler innhaldet i begge tekstane på ein noko knapp måte, men likevel dekkande og lett forståeleg, utan å utelate sentrale deler av innhaldet. Det er tydeleg at han har forstått innhaldet i tekstane. Han seier kven han er mest einig med, og forklarer kvifor; «Det er ekstremt viktig og essensielt at vi lærer oss å sette pris på kunst. Det er noe som gjør livet verdt å leve.»
På oppgåve 3 vel han å snakke om påstanden «Alle stortingspolitikarar burde ha minst ti års arbeidserfaring utanfor politikken». Han argumenterer for at politikarar skal ha erfaring «fra den reelle verden» og ha kompetanse innanfor felt som økonomi, teknologi og samfunnskunnskap og helst akademisk utdanning. Han snakker om temaet på ein sakleg og elevert måte. Han snakkar svært sjølvstendig, argumenterer for meiningane sine og underbygger meiningane sine på ein lett forståeleg måte.